ITI లిమిటెడ్ లో 215 ఆఫీసర్ ఉద్యోగాలు: పూర్తి వివరాలు ఇక్కడ తెలుసుకోండి

ITI లిమిటెడ్‌లో 215 ఆఫీసర్ ఉద్యోగాలు: పరీక్ష లేకుండా ఎంపిక! | ITI Limited Recruitment 2026

భారత ప్రభుత్వ టెలికాం రంగ సంస్థ అయిన ఇండియన్ టెలికాం ఇండస్ట్రీస్ లిమిటెడ్ (ITI Limited) లో 215 ఆఫీసర్ పోస్టుల భర్తీకి అధికారిక నోటిఫికేషన్ విడుదల చేయబడింది. ఈ ఉద్యోగాలను మూడు ప్రధాన కేటగిరీలుగా విభజించారు. ఈ పోస్టులకు ఎటువంటి వ్రాత పరీక్ష లేకుండానే అభ్యర్థుల ఎంపిక జరుగుతుంది.

ముఖ్య వివరాలు

ITI లిమిటెడ్ మొత్తం 215 ఆఫీసర్ ఖాళీలను భర్తీ చేయనుంది. ఈ పోస్టులను యంగ్ ప్రొఫెషనల్ గ్రాడ్యుయేట్, టెక్నీషియన్, మరియు ఆపరేటర్ అనే మూడు కేటగిరీలుగా విభజించారు. గ్రాడ్యుయేట్ కేటగిరీ పోస్టులకు నెలకు రూ. 60,000 వరకు జీతం ఉంటుంది, మిగిలిన కేటగిరీలకు జీతం తక్కువగా ఉంటుంది. ఈ ఉద్యోగాలకు 35 సంవత్సరాల వరకు వయస్సు గల అభ్యర్థులు దరఖాస్తు చేసుకోవచ్చు.

వేతన వివరాలు

పోస్ట్ కేటగిరీని బట్టి వేతనం క్రింది విధంగా ఉంటుంది:

• గ్రాడ్యుయేట్ లెవెల్ పోస్టులకు: నెలకు రూ. 60,000
• టెక్నీషియన్ జాబ్స్‌కు: నెలకు రూ. 35,000
• ఆపరేటర్ జాబ్స్‌కు: నెలకు రూ. 30,000

విద్యా అర్హతలు మరియు ఖాళీల వివరాలు

ఈ నోటిఫికేషన్‌లో వివిధ డొమైన్‌లలో ఖాళీలు మరియు వాటికి కావాల్సిన విద్యా అర్హతలు కింద వివరించబడ్డాయి:

• ప్రాజెక్ట్స్ డొమైన్

  • యంగ్ ప్రొఫెషనల్ గ్రాడ్యుయేట్ (20 పోస్టులు): బీఈ / బీటెక్ (ఈసీ, సీఎస్, మెకానికల్, ఐటీ, ఈఈఈ, సివిల్) లేదా ఎంసీఏ / ఎంఎస్సీ (ఎలక్ట్రానిక్స్, సీఎస్, ఐటీ) పూర్తి చేసిన వారు అర్హులు.
  • యంగ్ ప్రొఫెషనల్ టెక్నీషియన్ (19 పోస్టులు): డిప్లమా (ఈసీ, సీఎస్, మెకానికల్, ఐటీ, ఈఈఈ, సివిల్) పూర్తి చేసిన వారు అర్హులు.
  • యంగ్ ప్రొఫెషనల్ ఆపరేటర్ (12 పోస్టులు): ఐటీఐ ట్రేడ్ సర్టిఫికెట్ (ఈసీ, సీఎస్, మెకానికల్, ఐటీ, ఈఈఈ, సివిల్) ఉన్నవారు అర్హులు.

• ప్రాజెక్ట్ మేనేజ్‌మెంట్ డొమైన్ (4 పోస్టులు)

  • ఎంబీఏ (ప్రాజెక్ట్ మేనేజ్‌మెంట్ లేదా ఆపరేషన్స్ మేనేజ్‌మెంట్) లేదా ఎంఎస్సీ (ప్రాజెక్ట్ మేనేజ్‌మెంట్) పూర్తి చేసిన వారు దరఖాస్తు చేసుకోవచ్చు.

• ఐఎస్ & ఐటీ డొమైన్

  • గ్రాడ్యుయేట్ లెవెల్ (2 పోస్టులు): బీఈ / బీటెక్ (ఐటీ, సీఎస్, ఈసీ, ఈఈఈ) లేదా ఎంసీఏ / ఎంఎస్సీ (ఐటీ, సీఎస్) పూర్తి చేసిన వారు అర్హులు. పీహెచ్‌పీ, పైథాన్, జావా, హెచ్‌టీఎంఎల్, సీఎస్ఎస్, జేఎస్, మైఎస్‌క్యూఎల్, పోస్ట్‌గ్రేఎస్‌క్యూఎల్, లైనెక్స్ లలో నైపుణ్యం అదనపు అర్హతగా పరిగణించబడుతుంది.
  • యంగ్ ప్రొఫెషనల్ టెక్నీషియన్ (2 పోస్టులు): బీఎస్సీ (ఐటీ) లేదా బీసీఏ లేదా డిప్లమా (సీఎస్) పూర్తి చేసిన వారు అర్హులు.

• కంప్యూటర్ ల్యాబ్ / ప్రొడక్షన్ డొమైన్

  • గ్రాడ్యుయేట్ లెవెల్ (2 పోస్టులు): బీఈ / బీటెక్ (ఐటీ, సీఎస్) పూర్తి చేసిన వారు దరఖాస్తు చేసుకోవచ్చు.
  • యంగ్ ప్రొఫెషనల్ టెక్నీషియన్ (4 పోస్టులు): డిప్లమా (ఎలక్ట్రానిక్స్) పూర్తి చేసిన వారు అర్హులు. డిప్లమా (మెకానికల్) పూర్తి చేసి, రెండు సంవత్సరాల అనుభవం ఉన్నవారికి 2 పోస్టులు ఉన్నాయి. బీఎస్సీ (కెమిస్ట్రీ) లేదా డిప్లమా (కెమికల్ ఇంజనీరింగ్) పూర్తి చేసి, రెండు సంవత్సరాల అనుభవం ఉన్నవారికి 10 పోస్టులు ఉన్నాయి. సీఎస్ లేదా ఎలక్ట్రానిక్స్ సంబంధించి 2 ఖాళీలు ఉన్నాయి.
  • యంగ్ ప్రొఫెషనల్ ఆపరేటర్: ఐటీఐ ట్రేడ్ సర్టిఫికెట్ (ఎలక్ట్రానిక్స్ లేదా ఎలక్ట్రానిక్ మెకానిక్) తో పాటు రెండు సంవత్సరాల అనుభవం తప్పనిసరి.

• టెలికాం సెక్యూరిటీ టెస్టింగ్ ల్యాబ్ డొమైన్

  • 4 పోస్టులు: బీఈ / బీటెక్ (ఈసీ, సీఎస్, టెలీకమ్యూనికేషన్స్) లేదా ఎంసీఏ / ఎంఎస్సీ (సీఎస్, ఐటీ, సైబర్ సెక్యూరిటీ) పూర్తి చేసిన వారు, రెండు సంవత్సరాల పోస్ట్ క్వాలిఫికేషన్ అనుభవంతో దరఖాస్తు చేసుకోవచ్చు. ఐటీ టెలికాం సెక్యూరిటీలో ఒక పోస్ట్ కూడా ఉంది.

• ప్రొడక్షన్ & మ్యానుఫ్యాక్చరింగ్ డొమైన్

  • యంగ్ ప్రొఫెషనల్ టెక్నీషియన్ (23 పోస్టులు): డిప్లమా (సీఎస్, ఈసీ, ఈఈఈ, సివిల్, మెకానికల్) పూర్తి చేసిన వారు దరఖాసు చేసుకోవచ్చు.
  • యంగ్ ప్రొఫెషనల్ ఆపరేటర్ (29 పోస్టులు): ఐటీఐ (సీఎస్, ఈసీ, ఈఈఈ, సివిల్, మెకానికల్, ఫిట్టర్) పూర్తి చేసిన వారు అర్హులు.

• జనరలిస్ట్ డొమైన్ (15 పోస్టులు)

  • ఏదైనా డిగ్రీ పూర్తి చేసి, కంప్యూటర్ నాలెడ్జ్ (ఎంఎస్ వర్డ్, ఎక్సెల్, పవర్ పాయింట్) ఉన్నవారు అర్హులు.

• మార్కెటింగ్ డొమైన్

  • యంగ్ ప్రొఫెషనల్ గ్రాడ్యుయేట్ మార్కెటింగ్ (10 పోస్టులు): ఎంబీఏ పూర్తి చేసిన వారు అర్హులు.
  • యంగ్ ప్రొఫెషనల్ జనరలిస్ట్ మార్కెటింగ్ (10 పోస్టులు): బీబీఏ / బీబీఎం / బీఎంఎస్ పూర్తి చేసిన వారు దరఖాస్తు చేసుకోవచ్చు.

• ఫైనాన్స్ డొమైన్ (10 పోస్టులు)

  • ఏదైనా డిగ్రీ పూర్తి చేసి, కంప్యూటర్ నాలెడ్జ్ ఉన్నవారు దరఖాస్తు చేసుకోవచ్చు.

• హిందీ సెల్ డొమైన్ (4 పోస్టులు)

  • ఏదైనా డిగ్రీతో పాటు హిందీ ఒక సబ్జెక్టుగా చదివి, ఇంగ్లీష్ మీడియం కలిగిన వారు అర్హులు.

ఎంపిక ప్రక్రియ

ఈ పోస్టులకు వ్రాత పరీక్ష లేకుండానే ఎంపిక జరుగుతుంది.

• యంగ్ ప్రొఫెషనల్ గ్రాడ్యుయేట్ పోస్టులు: అభ్యర్థులను మొదట వారి అకడమిక్ మార్కుల ఆధారంగా షార్ట్‌లిస్ట్ చేస్తారు. షార్ట్‌లిస్ట్ చేయబడిన అభ్యర్థులకు గ్రూప్ డిస్కషన్ మరియు పర్సనల్ ఇంటర్వ్యూ నిర్వహించి తుది ఎంపిక చేస్తారు.
• యంగ్ ప్రొఫెషనల్ టెక్నీషియన్ మరియు ఆపరేటర్ పోస్టులు: అభ్యర్థులను మొదట షార్ట్‌లిస్ట్ చేసి, ఆ తర్వాత స్కిల్ టెస్ట్ ద్వారా ఎంపిక చేస్తారు.

సేవా నిబంధనలు

ఎంపికైన అభ్యర్థులను యంగ్ ప్రొఫెషనల్స్‌గా నియమిస్తారు. మొదట మూడు నెలల ప్రొబేషన్ పీరియడ్ ఉంటుంది. సంవత్సరానికి 12 రోజుల క్యాజువల్ లీవులు మంజూరు చేయబడతాయి.

పోస్టింగ్ ప్రదేశాలు

ఎంపికైన అభ్యర్థులకు మార్కాపూర్, రాయ్‌బరేలి, బెంగళూరు, పాలక్కాడ్, నైనీ, ఢిల్లీ, కోల్‌కతా వంటి ప్రదేశాలలో పోస్టింగ్స్ ఇవ్వబడతాయి.

దరఖాస్తు విధానం మరియు ముఖ్యమైన తేదీ

అర్హతగల అభ్యర్థులు 12/01/2026 లోపు ఆన్‌లైన్‌లో దరఖాస్తు చేసుకోవాలి. దరఖాస్తు చేసుకోవడానికి ITI లిమిటెడ్ అధికారిక వెబ్‌సైట్‌లోని “కెరీర్స్” పేజీని సందర్శించి, నోటిఫికేషన్‌ను పరిశీలించి, తగిన పొజిషన్ మరియు లొకేషన్‌ను ఎంచుకుని, చెల్లుబాటు అయ్యే ఈమెయిల్ అడ్రస్‌తో మీ ఆన్‌లైన్ దరఖాస్తును సమర్పించాలి. ఆన్‌లైన్ దరఖాస్తు లింక్ మరియు పిడిఎఫ్ లింక్ అందుబాటులో ఉంటాయి.