ఇండియన్ ఎయిర్ ఫోర్స్ అగ్నివీర్ వాయు రిక్రూట్మెంట్ 2026: 3000+ పోస్టులకు భారీ నోటిఫికేషన్
ఇంటర్మీడియట్ మరియు డిప్లమా పాస్ అయిన వారికి ఇండియన్ ఎయిర్ ఫోర్స్ నుండి 3000కి పైగా వేకెన్సీలతో భారీ నోటిఫికేషన్ విడుదలైంది. గవర్నమెంట్ ఆఫ్ ఇండియా కింద పనిచేస్తున్న ఈ శాఖలో ఎటువంటి అనుభవం అవసరం లేకుండానే ఈ ఉద్యోగాలకు దరఖాస్తు చేసుకోవచ్చు. ఎంపికైన అభ్యర్థులకు చాలా మంచి జీతం అందిస్తారు. దరఖాస్తు ప్రక్రియ పూర్తిగా ఆన్లైన్లో ఉంటుంది.
ముఖ్యమైన తేదీలు మరియు దరఖాస్తు వివరాలు
ఈ రిక్రూట్మెంట్కు సంబంధించి దరఖాస్తులు జూలై 25 నుండి ప్రారంభమై జూలై 31 వరకు స్వీకరించబడతాయి. వ్రాత పరీక్ష సెప్టెంబర్ 25 నుండి నిర్వహించబడుతుంది. దరఖాస్తు రుసుము ₹550. అన్ని కేటగిరీల అభ్యర్థులు ఈ ఫీజును చెల్లించాల్సి ఉంటుంది.
అర్హతలు మరియు శారీరక ప్రమాణాలు
ఇండియన్ ఎయిర్ ఫోర్స్ విడుదల చేసిన ఈ నోటిఫికేషన్కు ఇండియన్ సిటిజన్స్ ఎవరైనా దరఖాస్తు చేసుకోవచ్చు. ఏ రాష్ట్రం వారైనా, పురుష మరియు స్త్రీ అభ్యర్థులు ఇద్దరూ అర్హులే. విద్యార్హతల విషయానికి వస్తే, 50% మార్కులతో ఇంటర్మీడియట్ లేదా డిప్లమా పాస్ అయిన వారు ఈ రిక్రూట్మెంట్కు అప్లై చేసుకోవచ్చు.
వయస్సు పరిమితి 2 జూలై 2005 నుండి 2 జనవరి 2009 లోపు జన్మించిన అభ్యర్థులు మాత్రమే దరఖాస్తు చేసుకోవాలి. ఈ రిక్రూట్మెంట్కు ఎటువంటి వయస్సు సడలింపు ఉండదు. పెళ్లి కాని పురుష మరియు స్త్రీ అభ్యర్థుల నుండి మాత్రమే దరఖాస్తులు స్వీకరించబడతాయి.
శారీరక ప్రమాణాల ప్రకారం, అబ్బాయిల ఎత్తు 152.5 సెంటీమీటర్లు, అమ్మాయిల ఎత్తు కనీసం 152 సెంటీమీటర్లు ఉండాలి. విజువల్ స్టాండర్డ్స్ కూడా పరిశీలిస్తారు.
ఎంపిక ప్రక్రియ
ఎంపిక ప్రక్రియలో వ్రాత పరీక్ష, ఫిజికల్ ఎఫిషియెన్సీ టెస్ట్ (PET), మెడికల్ ఎగ్జామినేషన్ మరియు డాక్యుమెంట్ వెరిఫికేషన్ ఉంటాయి.
వ్రాత పరీక్ష వివరాలు
వ్రాత పరీక్ష రెండు కేటగిరీలుగా ఉంటుంది. సైన్స్ సబ్జెక్టులు వారికి ఫిజిక్స్, మ్యాథ్స్ మరియు ఇంగ్లీష్ సబ్జెక్టుల మీద 60 నిమిషాల టెస్ట్ ఉంటుంది. అదర్ దెన్ సైన్స్ సబ్జెక్టులు వారికి రీజనింగ్ మరియు జనరల్ అవేర్నెస్ మీద ఆన్లైన్లో ఎగ్జామ్ నిర్వహిస్తారు.
ఫిజికల్ ఎఫిషియెన్సీ టెస్ట్ (PET)
ఆన్లైన్ టెస్ట్ పాస్ అయిన వారికి ఫిజికల్ ఎఫిషియెన్సీ టెస్ట్ (PET) ఉంటుంది. ఇందులో 1.6 కి.మీ పరుగు ఉంటుంది. అబ్బాయిలు 7 నిమిషాలలో, అమ్మాయిలు 8 నిమిషాలలో దీనిని పూర్తి చేయాలి. అబ్బాయిలకు 10 పుష్అప్స్, 10 సెటప్స్, 20 స్క్వాటప్స్ చేయాల్సి ఉంటుంది. అమ్మాయిలకు 10 సెటప్స్ మరియు 15 స్క్వాప్స్ చేయాలి.
వైద్య పరీక్ష మరియు డాక్యుమెంట్ వెరిఫికేషన్
PET తర్వాత మెడికల్ ఎగ్జామినేషన్ నిర్వహిస్తారు. ఈ పరీక్షలలో బ్లడ్ హామోగ్రామ్, యూరిన్ ఆర్ఈఎంఈ, బయోకెమిస్ట్రీ వంటి టెస్టులు కండక్ట్ చేస్తారు. ఇందులో అర్హత సాధించిన వారికి డాక్యుమెంట్ వెరిఫికేషన్ చేసి రిక్రూట్మెంట్కు ఎంపిక చేయడం జరుగుతుంది.
జీతం మరియు అగ్నిపత్ ప్రయోజనాలు
ఈ రిక్రూట్మెంట్కు ఎంపికైన వారికి ఇండియన్ ఎయిర్ ఫోర్స్ ద్వారా నాలుగు సంవత్సరాల శిక్షణ అందిస్తారు. కెరీర్ ప్రారంభంలో మొదటి సంవత్సరంలో నెలకు ₹30,000 జీతం ఉంటుంది. రెండవ సంవత్సరంలో ₹33,000, మూడవ సంవత్సరంలో ₹36,000 చొప్పున జీతం పెరుగుతుంది. సంవత్సరానికి 30 రోజులు వార్షిక సెలవులు, అలాగే అనారోగ్య సెలవులు కూడా ఉంటాయి.
ఈ నోటిఫికేషన్ అగ్నిపత్ స్కీమ్ కింద అగ్నివీర్ వాయు ఇన్టేక్ 02/2026కు సంబంధించింది. ఎంపికైన అభ్యర్థులలో 25% మందిని వారి పనితీరు ఆధారంగా నాలుగు సంవత్సరాల శిక్షణ తర్వాత ఇండియన్ ఎయిర్ ఫోర్స్ లో రెగ్యులర్ క్యాడర్ కింద శాశ్వత ఉద్యోగాలకు ఎంపిక చేస్తారు. మిగిలిన 75% మందికి ₹10 లక్షల సేవా నిధి ప్యాకేజీని అందిస్తారు.
దరఖాస్తు చేయు విధానం
ఈ రిక్రూట్మెంట్కు ఆన్లైన్లో agnipathvayu.cdac.in అనే వెబ్సైట్ ద్వారా దరఖాస్తు చేసుకోవాలి. ఆన్లైన్ దరఖాస్తు ప్రక్రియ ప్రారంభం కాగానే అభ్యర్థులు అన్నీ సిద్ధం చేసుకుని నేరుగా ఆన్లైన్లో అప్లై చేసుకోవచ్చు. మొత్తం 3000 వరకు ఖాళీలు భర్తీ చేస్తారు. వచ్చిన ప్రతి అవకాశాన్ని సద్వినియోగం చేసుకోవాలని సూచించారు.
